السلام عليكم جميعا ويعطيكم العافيه معكم اغلبكم يعرف براند الجاتو والمعروفين بقطع التسجيل او الستريمنج او اكسسوارات مختلفة تخدم هذا المجال انضمت لهم قطعه جديده وهي Elgato 4K X اكس،
واللي باختصار حققت المطلوب في الجيل الحالي من ناحية القدرات المتوافقة مع الأجهزة وانك تسجل محتوى بأعلى دقه بدون ان تخسر اي مميزات بالشاشة خلونا اليوم نتعرف على هذه القطعة من فتح الصندوق والتجربة واشرح لكم كل شيء مهم فيها.
بتكون ممتازة ومفيدة لصناع المحتوى او الستريمرز او اذا كنت شخص تريد تسجل الجيم بلاي الخاص فيك بدقه جدا عالية مباشرة على البي سي وتنشره في مواقع الخاصة فيك أتمنى يعجبكم الشرح وتستفيدون منه واذا في اي سؤال اتركوه في التعليقات.
مراجعة جهاز تسجيل الألعاب Elgato 4K X
فتح صندوق Elgato 4K X
بالدعم أولا بالنسبة للان بوكسينج لكن قبل الان بوكسينج لازم نشوف العلبة ونحفظ شكلها ونعرف اسم القطعة مثلما ذكرت 4K X لان في السوق ممكن تلقى قطع كثيرة متشابهة من Elgato وبنفس العلبة والألوان فحاول تعرف المطلوب او الاسم الصح وهذه احدث قطع مثلما ذكرت.
مكتوب المميزات باختصار انها تسجل 4K حقيقي بالكامل و 4K مع 144 فريم وبنفس الوقت تقدر تسجل 1080 او 2K براحتك وحاطين لك انها تسمح بمرور HDR و VRR وتلعب بدون ما تخسر اي مميزات من الجيل الجديد.
فاللي تشوفه لما تلعب ببلاي ستيشن بالضبط بتشوفه من برنامج Elgato نفسه او حتى المحتوى اللي تسجله، وبالمناسبة تقدر تستخدمها لجميع الأجهزة اللي في العالم اللي فيها HDMI بحيث انك توصلها وتسجل محتوى من اي جهاز واكيد متوافق مع الويندوز والماك.
نفتح العلبة بشكل سريع ونأخذ المحتويات اللي نتعرف عليهم بالكامل وداخل الغطاء كالعادة من الجاتو بتشوف التعليمات او الدليل السريع برسم توضيحي مفيد للتركيب كذلك عندنا الأوراق للتعليمات لو حبيت تتعمق اكثر.
حاطين لك سلك HDMI فائق السرعة high speed بأعلى جوده واللي أساسا سعره يكون غالي لما تشتريه برا بالإضافة لسلك Type C اللي أيضا يدعم البيانات بسرعه فائقة وجوده ممتازة يعني هذا ممكن اعلى سرعة يو اس بي كيبل تايب سي تشوفه نفس الشيء لو تشتريه بالخارج يكون سعره مرتفع.
بعدها نشوف قطعة Elgato 4K X اللي بتصميم تشبه القطعة السابقة لكن مثلما ذكرت ركزوا هذا الإصدار هو الاحدث واللي فيه المواصفات الكاملة يعني شكلها نفس الشيء لكن البورد الداخلي والأداء مختلف.
طبعا لونها مطفي وشعار Elgato وعاكس من الأعلى، من المقدمة باختصار اسم المنتج مع منفذ الصوت الانالوج لتركيب سماعتك ل 3.5 وتأخذ الصوت وتسجل منها، وعلى اليسار نشوف الإضاءة الصغيرة باللون الأبيض كتشغيل.
بالنسبة للمنافذ الرئيسية من الخلف عندنا HDMI اكيد فائق السرعة 2.5 لأعلى مستوى تحتاجه وبالوسط منفذ التايب سي اللي ينقل البيانات بسرعه ونفسه هو اللي يعطيه الطاقة واخر شيء المخرج HDMI اللي كذلك فائق السرعة يعني مرور السيجنال نفسها سوف تطلع من البلاي ستيشن 5 وتروح على الشاشات.
كذلك من الأسفل فيها مطاط او ربل لكي تثبت على الاسطح، قطعه خفيفة وصغيره لكن أدائها كبير وعلى صغر حجمها ممكن نستفيد منها بشكل كبير.
التركيب
بالنسبة للتركيب سهل جدا وواضح حتى لا يحتاج إرشادات هذه الفتحة HDMI in القادم من الكونسول يعني انت جايب الصورة in اللي هو داخل القطعة، فترك HDMI اللي جاي من الكونسول او اي جهاز اخر.
بعدها القطعة الثانية HDMI اللي رايح للشاشة وهو الاوت فترك HDMI الى تلفازك او شاشه البي سي.
واكيد منفذ Type C اللي تركب من السلك اللي جاي من PC اللي تبي تسجل او تبث منه مثلا لاب توب او بي سي.
واحلى شيء في ال PC انه هو نفسه اللي يشغل القطعة بالسابق في قطع تطلع لها باور تركبه في الطاقة لكن هذه القطعة توصل بيانات وتسجل وتأخذ الطاقة كلها من ال USB يعني ما في داعي للكهرباء ابدا وبس حاليا شغاله وجاهزة للاستخدام.
بالنسبة للاستخدام والبرنامجاول شيء لازم تعرفون ان القطعة ممكن تستخدمها على ال PC نفسه او على التلفاز الكامل عندك في مكان لعبك خلونا اول شي على نظام البي سي او الكمبيوتر اول ما نركب القطعة نروح لموقع Elgato نضغط على داونلود طبعا سوف تشوف برامج متعددة لمختلف منتجات Elgato،
سوف نروح للبرنامج الرئيسي وهو Capture Utility وهو البرنامج المخصص للتسجيل ويدعم كل قطع Elgato هذا البرنامج الرهيب من اول ما تشغله على طول تطلع لك شاشه الكونسول ولن تخسر اي شي بسبب القطعة بمعنى انك تقدر تلعب على البي سي نفسه او شاشه اللاب توب وحرفيا تستغني عن التلفاز.
يعني مثلا حاليا تشوفون أشياء البلاي ستيشن 5 على شاشه الكمبيوتر ممكن اخلي اليوتيوب على اليسار اشوف شروحات او غيره او اخلي الديسكور تحت فتقدر تستخدم تصفح البي سي بالكامل والبلاي ستيشن 5 مفتوحه داخل الشاشة،
وتقدر تلعب عادي في الشاشة الصغيرة او تضغط دبل كليك خلاص Full Screen وتنسى موضوع البي سي وكأنك مشغلها مباشرة البلاي ستيشن على شاشتك فهذه واحدm من الاستخدامات الرائعة انك تلعب على البي سي نفسه وتسجل المحتوى او تبث في بثوثك عن طريق هذه القطعة.
واكيد لا ننسى انه ممكن تجربها بالطريقة الثانية مثلا انت شخص تلعب على تلفاز كبير لكن تريد تسجل محتواك فراح تركب القطعة بين البلاي ستيشن ولاب توبك او بي سيك اللي عندك والى شاشتك الضخمة وتلعب ولا كانه شيء تغير عليك لكن تقدر تسجل محتواك بهذا الشكل.
بالنسبة للبرنامج طبعا الواجهة جدا سهلة وواضحة وfull sccreen تشوف الجيم بلاي عندك على اليمين فوق القراءة عندك السورس يعني الإشارة القادمة من البلاي ستيشن وعندك الكابتشر اللي راح يصير.
فتقدر تشوف ان اللي جاي 4K واللي بتسجل 4K طبعا تقدر تدخل الاعدادات وتغير الجودة براحتك مثلا لو تريد تسجل 1080 بيكون كافي الانستغرام تويتر وهذه الأمور فتقدر تغير في الاعدادات عندك والبت ريت وغيره من الأمور او حتى مكان التسجيل للملفات.
المهم تشوفون على اليسار تحت عندك السماعة وصوت المايك اذا كنت مركب المايك او الجيم بلاي وتتحكم فيهم وتقفل السماعات اللي لا تحتاجها واكيد زر التسجيل باللون الأحمر واضح كلنا نعرف ان هذا الزر اللي يسجل،
اول ما تضغط عليه خلاص اي شيء صاير حاليا في الشاشة سوف يتحول الى فيديو فايل عندك لما توقف التسجيل خلاص تسيف الفيديو وتضغط مره ثانيه سوف يفتح لك فيديو ثاني فيكون عندك تشكيلة فيديوهات بعدين تعمل لها انتاج.
لكن في ميزة مهمة جدا ورائعة في البرنامج انه يعطيك تسجيل فلاش باك والحلو فيه يبدا من خمس دقائق الى خمس ساعات يعني مثلا انت الان تلعب ساعة ساعتين ثلاث بعدين قررت انك تسجل الساعات الماضية ليس عندك مشكلة،
تقدر تسجل عن طريق خاصيه الفلاش باك او مثلا انت حاليا لا تسجل سجلت هدف او واي شيء تقدر تأخذ اخر دقيقه او دقيقتين او غيره.
طبعا كثير منكم حاليا يفكر ان هذا الشيء بيلت ان موجود في البلاي ستيشن او الاكس بوكس لكن اللي لازم تعرفونه ان قطعة Elgato 4K X تسجل دقه بأضعاف اللي تشوفونها في اللي تسجلون من البلاي ستيشن نفسها او الاكس بوكس،
فالهدف من القطعة انها تسجل لك المحتوى مثل ما تشوف على البلاي ستيشن ينتقل في اليوتيوب او غيره.
بالنسبة للتسجيل طبعا مثلما ذكرت ان القطعة تسجل لك بالدقة الكاملة اللقطات اللي تشوفونها حاليا كأنك تشوف بلاي ستيشن امامك طبعا حسب اذا انت حاط المقطع على ال 4K هذا الهدف من القطعة انها تخليك لا تخسر اي شيء وتشوف الدقة عالية.
واحب اذكر ان هذه القطعة تسمح في دخول الVRR وال HDR والاطارات كاملة يعني تريد تلعب ف 120 فريم القطعة لا سوف تخسر اي شيء من هذه الأمور،
والحلو فيها ايضا انها تسجل الHDR لكن HDR لما تسجله بيكون الوانه متلخبطة فالمونتاج تعدل فيها، انا لا انصح صراحه انكم تسجلون الHDR .
بالنسبة لخلاصه طبعا هذا مجرد شرح للجيمنج اللي بشكل سريع يريد يفهم جهاز تسجيل الألعاب Elgato 4K X وطريقتها لكن القطعة نفسها في ناس يستفيدون منها بطرق كثيره مثلما ذكرت ان اي شيء HDMI تقدر توصله وتسجل مثلا ريسيفر او موبايل او غيره يعني الناس تقدر تستفيد منها بطرق مختلفة.
وبجانب البرنامج مع الاعدادات ف الإمكانيات كثيره فيها، اشوف هذه القطعة مناسبة جدا للناس اللي تريد تصنع محتوى ولا تريد تفقد شيء في الشاشة لان القطع السابقة تمنعك من ال 120 تمنعك من الVRR و وال HDR أحيانا،
فهذه القطعة بكامل الإمكانيات تسجل لك اعلى مستوى وتشوفها بشاشتك بدون ما تفقد شيء اعطوني رايكم فيها بشكل عام او اللي يستخدم اي شيء من قطع الجاتو يشاركنا برأيه في التعليقات، ابقوا في امان الله والسلام.
سعر جهاز تسجيل الألعاب Elgato 4K X
سعر جهاز تسجيل الألعاب Elgato 4K X في مصر هو 11.500 جنيه مصري ما يعادل 230 دولار
سعر جهاز تسجيل الألعاب Elgato 4K X في السعودية هو 1125 ريال سعودي
